İsraildə koronavirusa yoluxanların sayı 16 643 nəfərə çatıb.
“Report” “RİA Novosti”yə istinadən xəbər verir ki, məlumatı İsrailin Səhiyyə Nazirliyi yayıb.
Son sutkada ölkədə 20 yeni yoluxma, 4 ölüm hadisəsi qeydə alınıb.
Bununla da koronavirusdan ölənlərin ümumi sayı 276-ya çatıb. İndiyədək 13253 pasiyent sağalıb.
Hazırda müalicə alan 3 114 xəstənin 52-sinin vəziyyəti ağırdır, 42 pasiyent isə süni nəfəs aparatına qoşulub.
İsraildə 20 maya qədər çimərliyə getmək qadağandır. Bəzi ictimai iaşə müəssisələrinin fəaliyyət göstərməyə başlayıb. Ötən bazar günü (17 May - Red) orta ümumtəhsil məktəblərində tədris prosesi bərpa olunub.