Bakı. 25 iyul. REPORT.AZ/ İsrailin Qəzza sektorunu atəşə tutması nəticəsində ölənlərin sayı artıb.
"Report" xəbər verir ki, bu barədə "Anadolu" agentliyi məlumat yayıb.
Məlumata görə, atəş nəticəsində 3 fələstinli həlak olub, daha 1 nəfər ağır yaralanıb.
Qeyd edək ki, daha əvvəl atəş zamanı 2 fələstinlinin həlak olduğu bildirilirdi.
***22:11
İsrailin Qəzza sektorunu atəşə tutması nəticəsində 2 fələstinli ölüb.
"Report" "Anadolu" agentliyinə istinadən xəbər verir ki, bu barədə Fələstinin Səhiyyə Nazirliyi məlumat yayıb.
Məlumatda bildirilir ki, atəş nəticəsində həmçinin 1 nəfər də ağır yaralanıb. Qeyd edək ki, İsrail Fələstinlə sərhəddə əsgərinin atəşə tutulmasına cavab olaraq HƏMAS-ın Qəzza sektorundakı postlarına hücum edib.
***21:40
İsrail Fələstinlə sərhəddə əsgərinin atəşə tutulmasına cavab olaraq HƏMAS-ın Qəzza sektorundakı postlarına hücum edib.
"Report" TASS-a istinadən xəbər verir ki, bu barədə İsrail ordusunun press-relizində bildirilir.
"Bu gün terrorçular Qəzza sektorunun cənub hissəsindən əsgərə atəş açıblar. İsrail ordusu buna cavab olaraq HƏMAS-ın Qəzza sektorundakı hərbi postlarına zərbələr endirib", - deyə rəsmi məlumatda bildirilir.