İsrail parlamentinin sədri istefa verdi

İsrail parlamentinin sədri, “Kaxol Lavan” blokunun rəhbəri Beni Qans vəzifədən istefa verib.

“Report”un xəbərinə görə, məlumatı “Newsru” yayıb.

Bu qərar İsrailin 35-ci hökumətinin andiçməsi ərəfəsində qəbul olunub.

Məlumata görə, hökumət mayın 17-də and içəcək.

Xatırladaq ki, İsrail Nazirlər Kabinetinin andiçmə mərasimi mayın 13-nə planlaşdırılmışdı. ABŞ-ın dövlət katibi Maykl Pompeonun İsrailə səfəri ilə əlaqədar bu tədbirin keçirilməsi mayın 14-ünə dəyişdirilmişdi.