İsrail BMT Təhlükəsizlik Şurasının tələblərini rədd edib

Bakı. 24 dekabr. REPORT.AZ/ İsrail BMT Təhlükəsizlik Şurasının yəhudi məskənlərinin salınmasının dayandırılmasına dair qətnaməsinin tələblərini yerinə yetirmək niyyətində deyil.

"Report" "Reuters"ə istinadən xəbər verir ki, bu bəyanatla yəhudi dövlətinin baş naziri Binyamin Netanyahunun nümayəndələri çıxış ediblər.

"İsrail BMT-nin bu rüsvayçı anti-İsrail qətnaməsini rədd edir və onun tələblərinə məhəl qoymayacaq", - deyə bəyanatda bildirilib.