İspaniyada havaların isti keçməsi nəticəsində 5 nəfər ölüb

Bakı. 6 avqust. REPORT.AZ/ İspaniyada havaların isti keçməsi nəticəsində 5 nəfər ölüb.

“Report” “RİA Novosti”yə istinadən xəbər verir ki, avqustun 6-da iki nəfər Kataloniya muxtariyyətinin Tarraqon Şəhər Xəstəxanasında vəfat edib.

Onların hər ikisi evsiz kişidir.

Ötən həftə isə Barselonada bir evsiz kişi, Mursidə isə 2 kişi ölmüşdü.

Ötən həftə İspaniyanın İberiya yarımadasında isti hava müşahidə edilib. Havanın temperaturu 40 dərəcə Selsini aşıb. İsti hava şəraiti yanğınlara səbəb olub.