Yuxarı

​İŞİD sıralarında əcnəbi döyüşçülərin sayı 25 minə çatıb

2014-cü ilin ortaları ilə müqayisədə 2015-ci ildə onların sayı 71% çoxdur

Bakı. 2 aprel. REPORT.AZ/ İŞİD və "əl-Qaidə"nin Suriya və İraqdakı qüvvələrinə qoşulan xarici ölkə vətəndaşlarının sayı 25 minə çatıb.

"Report" "Anadolu" agentliyinə istinadən xəbər verir ki, bu barədə BMT-nin bu terror təşkilatları haqda hesabatında bildirilib.

BMT Təhklükəsizlik Şurasının "əl-Qaidə"yə sanksiyalar tətbiq edən kömitəsinin hesabatına görə, İraq və Suriyaya döyüşmək üçün gedən əcnəbilərin sayı 2014-cü ilin ortaları ilə müqayisədə 2015-ci ildə 71% artıb.

Sənəddə bildirilib ki, son zamanlar yüzdən artıq ölkədən 25 min döyüşçü bölgəyə gedərək İŞİD-ə və "əl-Qaidə"yə bağlı qruplara qoşulub.

Hesabata əsasən, Suriya və İraqa gedən 20 mindən çox insanın əksəriyyəti İŞİD-ə, bir qismi isə "ən-Nusra" cəbhəsinə qoşulurlar.

BMT Təhlükəsizlik Şurası İŞİD məğlubiyyətə uğradılacağı halda döyüş təlimi görmüş terrorçuların dünyaya səpələnəcəyi və qanunsuz təşkilatlara qoşulacağı ilə bağlı da xəbərdarlıq çağırışı edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi