Bakı. 31 may. REPORT.AZ/ İŞİD-in səhra komandirlərindən biri Əfqanıstan paytaxtı Kabilin yaxınlığında hava zərbələri zamanı məhv edilib.
"Report" TASS-a istinadən xəbər verir ki, yaraqlıların Vardak əyalətinin ərazisində aşkar edilən mövqelərinə hava hücumları nəticəsində ümumilikdə qruplaşmanın təxminən 10 üzvü, o cümlədən İŞİD-in bu regionda fəaliyyət göstərən qanadlarından birinin rəhbəri öldürülüb.
Terror qruplaşmasının üzvlərinin mövqelərinə zərbələr Əfqanıstan paytaxtı Kabildən cəmi 35 km-lik məsafədə həyata keçirilib.