​İraqda baş vermiş terror hadisələri nəticəsində 6 nəfər ölüb, 15 nəfər yaralanıb

Bakı. 31 iyul. REPORT.AZ/ İraqın paytaxtı Bağdad şəhərində bir neçə terror hadisəsi baş verib.

"Report" xarici mətbuata istinadən xəbər verir ki, paytaxtın mərkəzi ərazilərindən olan Allavidə avtomobillərdən birində quraşdırılmış partlayıcı qurğunun işə düşməsi nəticəsində 2 nəfər ölüb, daha 2 nəfər isə yaralanıb.

Digər terror hadisəsi isə Atıfiyyə adlanan ərazidə baş verib. Kafe yaxınlığında baş vermiş bomba partlayışı nəticəsində 2 nəfər ölüb, 8 nəfər yaralanıb.

Üçüncü terror hadisəsi paytaxtın cənubundakı Atıfiyyədə baş verib. Kafelərdən birinin yaxınlığındakı bazarda baş vermiş partlayış nəticəsində 2 nəfər həyatını itirib, 5 nəfər yaralanıb.

Yerli mətbuatın yazdığına görə, Bağdadın şərqində odlu silahdan açılmış atəşlə öldürülmüş qadının cəsədi tapılıb. Onun kim tərəfindən qətlə yetirilməsi məlum deyil.