İraqda 4 minə yaxın insan içməli sudan zəhərlənib

Bakı. 25 avqust. REPORT.AZ/ İraqın Bəsrə əyalətində 4 min nəfərə yaxın insan içməli sudan zəhərlənib.

“Report” xəbər verir ki, bu barədə Bəsrənin Səhiyyə Departamentinin bəyanatına istinadən "Al Arabia" məlumat yayıb.

"Bəsrənin Səhiyyə Departamenti elan edib ki, təqribən 4 min nəfər hökumətin əyalətdə içməli su probleminin həlli üçün ayırdığı maşınların gətirdiyi çirklənmiş sudan içdikdən sonra zəhərlənib", — deyə məlumatda bildirilir.