Yuxarı
    Bağlamaq

    ​İraqda 130 İŞİD terrorçusu məhv edilib

    Hərbi əməliyyatların əsas zərbə istiqaməti Ramadi və Əl-Fəlluca olub

    Bakı. 17 İyul. REPORT.AZ/ İraqın Hərbi Hava Qüvvələri və Ordu aviasiyası cümə axşamı Ənbar əyalətində "İraq-Şam İslam Dövləti" (İŞİD) terror qruplaşmasının 130 silahlısını zərərsizləşdirib.

    "Report" xəbər verir ki, bu barədə ölkənin Müdafiə Nazirliyi məlumat yayıb.

    "Hərbi Hava Qüvvələri və Ordu aviasiyası tərəfindən Əl-Xaldiyə şəhəri ərazisinə endirilən hava zərbələri nəticəsində 60 ekstremist, 14 minalanmış nəqliyyat vasitəsi və 8 istehkam məhv edilib", - deyə İdarədən bildirilib.

    "Ordu aviasiyasının Ramadi şəhərində gübrə istehsalı fabriki ərazisinə zərbə endirməsi nəticəsində 70 İŞİD terrorçusu zərərsizləşdirilib", - deyə məlumat verilib.

    Bazar ertəsi İraqın Ordu Komandanlığı ekstremistlərin Ənbar əyalətindəki mövqelərinə hücuma başladıqlarını bəyan edib. Hərbi əməliyyatların əsas istiqamətləri Ramadi və Əl-Fəllucadır. Hər iki şəhər hələ də İŞİD-in nəzarəti altındadır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi