Bakı. 17 avqust. REPORT.AZ/ İraqın baş naziri Heydər əl-İbadi Nazirlər Kabinetinə daxil olan 11 nazirliyi və nazir vəzifəsini ləğv edib.
"Report" xəbər verir ki, bu haqda "BBC" məlumat yayıb.
Baş nazir bunu hökumətdə islahatlar çərçivəsində, o cümlədən korrupsiyaya qarşı mübarizə aparmaq üçün dövlət orqanlarının fəaliyyətinin səmərəliliyini artırmaq məqsədi ilə etdiyini bildirib.
Qeyd edək ki, bu ixtisardan sonra İraqda nazirlərin sayı 33-dən 22-ə enib. Əl-İbadinin həyata keçirməyə başladığı islahatlar çərçivəsində baş nazirin müavinlərinin sayının azaldılması və üç müavin vəzifəsinin də ləğv edilməsi nəzərdə tutulub.