İranda icmalar arasında baş vermiş toqquşmalar zamanı 22 nəfər həlak olub

Bakı. 10 iyun. REPORT.AZ/ Ötən gecə İranın Huzistan vilayətinin Ramhörmüz diyarında icmalar arasında baş vermiş toqquşmalar zamanı azı 22 nəfər həlak olub.

"Report"un məlumatına görə, bu barədə "Reuters" yerli hakimiyyət orqanlarına istinadən xəbər verib.

"Təəssüf ki, ötən gecə toqquşmalar zamanı müasir ordu silahlarından istifadə olunub və 22 nəfər ölüb" – deyə yerli hakimiyyət orqanının nümayəndəsi Hidayətullah Hatəmi bildirib.

Onun sözlərinə görə, insidentin səbəbi icmalar arasında köhnə münaqişə ilə əlaqədardır.