Yuxarı

İD silahlıları Suriya paytaxtındakı qaçqın düşərgəsinə daxil olublar

İD döyüşçüləri ilə düşərgədəki qruplar arasında toqquşma baş verib

Bakı. 1 aprel. REPORT.AZ/ Terrorçu İslam Dövləti təşkilatına aid silahlı şəxslər Dəməşqdəki “Yarmuk” Fələstin qaçqın düşərgəsinə daxil olublar. "Report"un BBC-yə istinadən verdiyi xəbərə görə, məlumatı fələstinli rəsmilər də təsdiqləyib.

Xəbər verilir ki, düşərgənin böyük bir hissəsini zəbt edən İD döyüşçüləri ilə düşərgədəki qruplar arasında toqquşma baş verib.

BMT-nin məlumatına görə hazırda bu düşərgədə 18 minədək fələstinli yaşayır.

İlk dəfə 1948-ci ildə İsrail-Ərəb müharibəsinin ardınca salınan “Yarmuk” düşərgəsi əslində Fələstin diasporasının qeyri-rəsmi paytaxtı sayılır.

Suriya müharibəsindən əvvəl bu düşərgədə 150 min insan yaşayırdı. Düşərgənin öz məsçidləri, məktəbləri və inzibati binaları var.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi