Yuxarı

​Hüsnü Mübarəkin oğlanları həbsxanadan buraxılıb

Camal və Alaa 4 ilə yaxın həbsxanada saxlanılıb

Bakı. 26 yanvar. REPORT.AZ/ Misirin keçmiş prezidenti Hüsnü Mübarəkin oğlanları - Camal və Alaa həbsxanadan buraxılıb.

"Report" xarici kütləvi informasiya vasitələrinə istinadən xəbər verir ki, 2011-ci il inqilabından sonra onlar korrupisyada ittiham olunaraq 4 ilə yaxın həbsxanada saxlanılıblar.

Mübarəkin oğullarına həmin vaxt müvafiq olaraq 3-4 il iş kəsilmişdi. Vəkil müvəkkillərinə kəsilən cəza müddəti bitdiyindən məhkəmədən onların sərbəst buraxılmasını istəmişdi. Ötən həftə Qahirə Məhkəməsi də qardaşların həbsxanadan azadlığa buraxılması haqda qərar çıxarıb.

Xatırladaq ki, yanvarın 13-də qardaşların işi kassasiya məhkəməsinə göndərilib. Məhkəmənin qərarına əsasən, işlərinə yenidən baxılanadək Camal və Alaa ev dustaqlığında saxlanılacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi