Husilər İsrailin cənubunda Ramon hava limanına zərbə endiriblər

Yəmənin “Ənsar Allah” hərəkatından olan husilər İsrailin cənubunda Eylat şəhəri yaxınlığındakı Ramon hava limanına zərbə endiriblər.

“Report” xəbər verir ki, üsyançıların formalaşdırdığı silahlı qüvvələrin nümayəndəsi Yəhya Saria hərəkatın nəzarətində olan “Al Masirah” televiziya kanalının efirində belə bir bəyanatla çıxış edib.

“Dron ordusu iki hərbi əməliyyat həyata keçirib, birinci əməliyyat zamanı Umm ər-Raşraş (Eylatın ərəb adı – red.) bölgəsində sionist düşmənə məxsus Ramon hava limanına iki dronla hücum edilib”, – o bildirib.