Hondurasda torpaq sürüşməsi nəticəsində 14 nəfər ölüb

Hondurasın qərbində tropik “Yota” fırtınasının gətirdiyi leysan yağışların səbəb olduğu torpaq sürüşməsi nəticəsində azı 14 nəfər ölüb.

Bu barədə “Report” TASS-a istinadən xəbər verir.

Hondurasda “Yota” fırtınasından 357 mindən çox insan bu və ya digər dərəcədə zərər çəkib. 750 sığınacaqda təhlükəli bölgələrdən qaçan 60 mindən çox insan var. Daşqınlar və torpaq sürüşmələri infrastruktura və mənzil fonduna böyük ziyan vurub: 30-dan çox yol hissəsi su altında qalıb, 2 ev tamamilə dağılıb, 7 mindən çoxu zərər görüb.