Hindistanda zavodda baş verən partlayış nəticəsində 9 nəfər ölüb

Hindistanın Maharaştra ştatının Naqpur rayonunda partlayıcı maddələr istehsal edən zavodda baş verən partlayış nəticəsində azı 9 nəfər ölüb.

Bu barədə "Report" "NDTV"yə istinadən xəbər verir.

Yerli polisin ilkin məlumatına görə, partlayış səhər saat 9-da Bazarqaon rayonunda "Solar Industries"in gücləndirici blokunda baş verib. Hadisənin səbəbləri barədə məlumat verilmir.

Hadisə yerinə müvafiq xidmətlərin əməkdaşları cəlb olunub, faktla bağlı araşdırmalar aparılır.