Hindistanda yeni COVID-19 anti-rekordları qeydə alınıb

Son sutka ərzində Hindistanda 412 262 koronavirus xəstəsi aşkar edilib, 3 980 nəfər bu xəstəlik səbəbindən ölüb.

“Report” TASS agentliyinə istinadən xəbər verir ki, bu, Hindistan üçün rekord göstəricilərdir.

Yoluxma ilə bağlı əvvəlki anti-rekord mayın 1-də qeydə alınıb (401 993 xəstə). Ölümlərin sayında isə əvvəlki rekord göstərici barədə dünən məlumat verilib ​(3 780 ölü).

Epidemiya dövründə ölkədə yoluxanların ümumi sayı 21 077 410-a, ölənlərin sayı isə 230 168-ə çatıb.