Hindistanda qasırğa nəticəsində 8 nəfər ölüb

Cümə günü Hindistanın Odişa ştatında baş vermiş "Fani" qasırğası nəticəsində ölənlərin sayı üçdən 8 nəfərə qədər artıb.

"Report" TASS-a istinadən xəbər verir ki, bu barədə şənbə günü NDTV telekanalı məlumat yayıb.

Qasırğa Benqal körfəzi tərəfdən gəlib və hazırda Qərbi Benqal ştatını keçərək və Xaraqpur şəhərinə toxunaraq, İndostana sahili ilə şimal-şərq istiqamətində hərəkət etməkdədir.