Hindistanda daşqınlar nəticəsində 30-a yaxın insan ölüb

Hindistanın cənub-qərbindəki Andhra Pradeş ştatında daşqınlar nəticəsində azı 29 nəfər ölüb, 100-dən çox adam itkin düşüb.

"Report" xəbər verir ki, bu barədə "India TV" məlumat yayıb.

Məlumata görə, 1 316 kənd su altında qalıb. Yağıntı ehtimalının yüksək olması səbəbindən əyalət hökuməti gözləmə rejiminə keçib.

Hökumət həlak olanların yaxınlarına 500 min rupi (6,7 min ABŞ dolları) ödənəcəyini açıqlayıb.