Hindistan mayda 3,333 milyard dollar dəyərində qızıl idxal edib

Hindistan 2024-cü ilin may ayında 3,333 milyard ABŞ dolları dəyərində qızıl idxal edib.

“Report” “İnterfaks”a istinadən xəbər verir ki, bu barədə ölkənin Ticarət və Sənaye Nazirliyi məlumat yayıb.

Bu, ötən ilin may ayı ilə müqayisədə 10 % az, lakin 2024-cü ilin aprel ayı ilə müqayisədə 7 % çoxdur.

Yalnız ilin ilk 5 ayında Hindistana qızıl idxalı 16,039 milyard ABŞ dolları təşkil edib və bu da ötən ilin müvafiq dövrü ilə müqayisədə 42 % çoxdur.

2023-cü ilin sonunda Hindistan 42,581 milyard ABŞ dolları dəyərində demək olar ki, 744 ton qızıl idxal edib.