HƏMAS lideri Qəzzada aksiyaların davam etdiyini bildirib

Bakı. 16 may. REPORT.AZ/ Qəzza sektorundakı HƏMAS hərəkatının lideri İsmail Haniya son ay yarım ərzində sahil boyu davam edən "Böyük qayıdış marşı"nın – etiraz aksiyalarının davam etdiyini bildirib.

"Report" xəbər verir ki, bu barədə RİA "Novosti" məlumat yayıb.

"Qayıdış marşı davam edir, davam edir, davam edir", - deyə HƏMAS lideri jurnalistlərə bildirib. O, əlavə edib ki, qurbanlar marşın davam etməsi üçün "yanacaq" rolunu oynayır.

Qeyd edək ki, bu müddət ərzində İsrail hərçiləri ilə toqquşmalarda ümumilikdə 110 insan həlak olub, 10 mindən çox insan güllə və qazdan xəsarət alıb.