Haitidə zəlzələ qurbanlarının sayı 1 419 nəfərə çatıb

Haitidə zəlzələ zamanı ölənlərin sayı artıb.

Bu barədə “Report” “Agency France Presse”ə istinadən xəbər verir.

Məlumata görə, təbii fəlakət zamanı ölənlərin sayı 1 419 nəfərə çatıb.

Təbii hadisə zamanı 6,9 min insan yaralanıb, 37 min ev dağılıb.

Qeyd edək ki, şənbə günü Haiti adasının qərbində 7,2 bal gücündə zəlzələ baş verib. Zəlzələnin ocağı Peti-Tru-de-Nip yaşayış məntəqəsinin yaxınlığında, yerin 10 kilometr dərinliyində yerləşib.