Haiti Senatının sədri silahlı hücum nəticəsində yaralanıb

Haiti Senatının sədri Jozef Lamber silahlı hücum nəticəsində yaralanıb.

"Report" xəbər verir ki, bu barədə Haiti mətbuatı məlumat yayıb.

Bildirilib ki, Senat sədrinin bir mühafizəçisi də ağır yaralanıb.

J.Lamber parlament iclasını tərk edəndən sonra naməlum şəxslər onun avtomobilinə silahlı hücum həyata keçiriblər. Altmış bir yaşlı siyasətçi avtomobilin şüşəsinin sınması nəticəsində xəsarət alıb.