Yuxarı
    Bağlamaq

    ​G7 Minsk razılaşmalarını pozanları cəzalandıracaq

    Böyük yeddilik Debaltsevoda vəziyyətin gərginləşməsindən narahatdır

    Bakı. 14 fevral. REPORT.AZ/ "Böyük yeddilik" liderləri fevralın 12-də əldə olunan yeni Minsk razılaşmalarını yerinə yetirməyənlər haqqında müvafiq tədbirlər görməyə hazır olduqlarını bəyan edirlər.

    "Report" xəbər verir ki, bu barədə G7-nin cümə günü yayılan bəyanatında bildirilir.

    Kanada, Fransa, Almaniya, İtaliya, Yaponiya, Böyük Britaniya və ABŞ liderləri, həmçinin Avropa Şurası və Avropa Komissiyası prezidentləri Ukraynanın separatçıların fəallaşdığı Debaltsevo rayonunda vəziyyətin kəsinləşməsi ilə əlaqədar narahatçılıqlarını ifadə ediblər.

    "Biz növbəti dəfə Krımın qanunsuz olaraq Rusiya tərəfindən qəsb edilməsini pisləyirik və bunu beynəlxalq hüququn pozulması kimi qəbul edirik", - deyə "Böyük yeddiliy"in bəyanatında bildirilir.

    Xatırladaq ki, Ukrayna atəşkəs pozulacağı təqdirdə Avropa Şurasının təcili iclasını çağıracaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi