FTB: Trampın yaxınlığındakı atışma sui-qəsd cəhdidir

ABŞ-nin Federal Təhqiqatlar Bürosu (FTB) Respublikaçılar Partiyasından prezidentliyə namizəd Donald Trampın olduğu yerin yaxınlığında baş verən atışmanı araşdırır və hadisəni ona sui-qəsd cəhdi kimi qiymətləndirir.

"Report"un məlumatına görə, bu barədə FTB-nin məlumatında deyilir.

Sənədə əsasən, FTB agentləri Florida ştatına, “West Palm Beach”ə gəliblər və keçmiş prezident Trampa qarşı sui-qəsd cəhdi kimi görünənlərlə bağlı araşdırma aparırlar.