Fransanın “Milli Birlik” partiyasının lideri seçki kampaniyasında səhvləri etiraf edib

Fransanın “Milli Birlik” partiyasının lideri Jordan Bardella Milli Assambleyaya (parlamentin aşağı palatası) növbədənkənar seçkilərdə təşviqat kampaniyası zamanı səhvləri etiraf edib.

“Report” xəbər verir ki, o, bu barədə BFMTV kanalının efirində deyib.

Onun sözlərinə görə, namizədlərin seçimi daxil olmaqla, səhvlərə yol verilib.

J.Bardella qeyd edib ki, onlardan bəziləri partiyanın rəsmi mövqeyinə zidd olaraq ayrı-seçkilik xarakterli bəyanatlar veriblər.

O, həmçinin bildirib ki, tərəfdarlarının məğlubiyyətinə görə məsuliyyətin bir hissəsini üzərinə götürür.