Yuxarı

​Fransanın ədliyyə naziri istefa verib

Kristina Tobira: Müqavimət göstərmək bəzən qalmaq, bəzən isə getmək deməkdir

Bakı. 27 yanvar. REPORT.AZ/ Fransanın ədliyyə naziri Kristina Tobira tutduğu vəzifədən istefa verib.

"Report" xəbər verir ki, bu haqda "Anadolu" agentliyi məlumat yayıb.

Məlumata görə, o, Fransa hökumətinin ölkə konstitusiyasına dəyişikliklərlə bağlı təkliflərini qəbul etmədiyi üçün istefa verib. Həmin təklifə əsasən, Fransada fövqəladə vəziyət rejimi 3 ay uzadılacaq və terrorçuluqda ittiham olunan məhkumlar ölkə vətəndaşlığından çıxarılacaq. K.Tobira terrorla əlaqəsi olanların vətəndaşlıqdan çıxarılması təklifinə qarşı çıxıb.

Fransa parlamenti həmin təklifləri bu gün müzakirə edəcək.

O, "Twitter" səhifəsində istefasının səbəbini belə açıqlayıb: "Müqavimət göstərmək bəzən qalmaq, bəzən isə getmək deməkdir".

Qeyd edək ki, Kristina Tobira Fransada irqçiliyin artması ilə bağlı dəfələrlə xəbərdarlıq edib. O, yerli siyasətçiləri irqçiliyə qarşı çıxmamaqda günahlandırıb. O, özünə qarşı təhqirlərə ciddi reaksiya olmadığını da qeyd edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi