Yuxarı

Fransanın "Air France" Aviaşirkətinin pilotları bu gün tətilə başlayacaq

Tətilin iyunun 11-dən 14-dək davam edəcəyi gözlənilir

Bakı. 11 iyun. REPORT.AZ/ Fransanın "Air France" Aviaşirkətinin pilotları bu gün tətilə başlayacaq. "Report" xəbər verir ki, aviaşirkətin pilotları ödəmələrin bir hissəsinin azaldılmasına qarşı çıxış edəcəklər.

Tətilin iyunun 11-dən 14-dək davam edəcəyi gözlənilir. Aviaşirkətin rəhbəri Frederik Qajenin sözlərinə görə, tətilin ilk günündə pilotların 25 faizi iştirak edəcək.

Xatırladaq ki, bir neçə ay əvvəl Fransa hökuməti əmək qanunvericiliyində islahatlar haqqında qanun layihəsini qəbul edib.

İslahat Fransada sahibkarlara iş gününün müddətini artırmağa, müəssisələrdə işçilərin işdən azad edilməsi prosedurunu asanlaşdırmağa şərait yaradır.

Artıq üçüncü aydır ölkədə narazılıq və etiraz aksiyaları səngimir. Bu günə kimi tələbələr, pensiyaçılar, Neft Emalı Zavodunun əməkdaşları, dəmiryolçular, kommunal xidmət sahələrində çalışanlar tətil ediblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi