Fransada yanğınsöndürənlərin həmkarlar ittifaqı Olimpiadanın açılış günündə tətil edəcək

Fransanın cənub-şərqində yerləşən Rona departamentinin və Lion şəhərinin yanğınsöndürənlərinin həmkarlar ittifaqı Olimpiadanın ilk günündə tətil edəcək.

"Report" xəbər verir ki, bu barədə "Figaro" qəzeti quruma istinadən məlumat yayıb.

Həmkarlar ittifaqı yanğınsöndürənlərə və polislərə müvafiq olaraq 1,600 və 1,900 avro məbləğində pul mükafatı verilməyəcəyi təqdirdə Liondakı yarışın ilk günündən Olimpiya və Paralimpiya Oyunlarının sonuna qədər tətil edəcəyini bildirib.