Fransada tətil edən fermerlərin sayı üç dəfə artıb

Fransa kəşfiyyatının məlumatına görə, bazar ertəsi etiraz edən fermerlərin sayı üç dəfə artıb və etiraz hərəkatının azı beş gün davam edəcəyi gözlənilir.

“Report” xəbər verir ki, bu barədə “Europe 1” radiostansiyası məlumat yayıb.

Fransa Daxili İşlər Nazirliyinin məlumatına görə, bazar ertəsi etirazlarda iştirak edən fermerlərin sayı üç dəfə artaraq 9 minə çatıb.

Fransa kəşfiyyatının məlumatına əsasən, bu ölkənin baş naziri Qabriel Attalın hansı qərar verməsindən asılı olmayaraq, hakimiyyət blokadaların azı beş gün davam edəcəyini gözləyir.

Fransa hökuməti etiraz hərəkatının sərtləşməsindən və genişlənməsindən ehtiyatlanır.