Yuxarı
    Bağlamaq

    ​Fransada polis maşınını yandıran ABŞ vətəndaşı tutulub

    27 yaşlı amerikalıya qarşı ittiham irəli sürülüb

    Bakı. 30 may. REPORT.AZ/ Fransa hökuməti tərəfindən Parisdə baş verən kütləvi iğtişaşlar zamanı polis maşınını yandırmaqda şübhəli bilinən ABŞ vətəndaşı saxlanılıb.

    “Report” TASS-a istinadən xəbər verir ki, bu barədə Paris Şəhər Prokurorluğundan məlumat verilib.

    Amerika vətəndaşı bu insidentin təhqiqatı çərçivəsində saxlanılan 5 gəncdən biri olub.

    Prokurorluğun məlumatına görə, 27 yaşlı amerikalıya qarşı qəsdən hakimiyyət nümayəndəsinin həyatına sui-qəsd etmək ittihamı irəli sürülüb.

    O, həmçinin digər şübhəlilərlə birlikdə qabaqcadan əlbir olaraq zorakılıq törətməkdə və maddi ziyan vurmaqda günahlandırılır.

    Polis maşınının yandırılması insidenti mayın 18-i Parisdə Əmək Məcəlləsi islahatlarına qarşı kütləvi etirazlarla müşahidə olunan növbəti nümayiş zamanı baş verib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi