Fransada polis əməkdaşı narkotacirlərə qarşı əməliyyat zamanı öldürülüb

Fransanın cənub-şərqində narkotik alverçilərinin yaxalanması ilə bağlı əməliyyat zamanı bir polis əməkdaşı həlak olub.

“Report” xəbər verir ki, bu barədə Fransanın baş naziri Jan Kasteks özünün tvitterdəki səhifəsində bildirib.

Onun sözlərinə görə, polis Avinyonda keçirilən əməliyyat zamanı ölümcül yaralanıb. Onun həyatını xilas etmək mümkün olmayıb.

Öz növbəsində Fransanın Daxili İşlər Nazirliyinin başçısı Jerald Darmanen tvitterdəki səhifəsində qeyd edib ki, polis narkotik ticarəti ilə bağlı fəaliyyətin qarşısını almaq üçün əməliyyat keçirib.

"Bir neçə polis əməkdaşı atəşə tutulub. Ağır xəsarət almış polis ölüb”, - deyə o bildirib.

Le policier grièvement blessé est décédé. Devant ce terrible drame, nous pensons à sa famille, ses proches et ses collègues. L’ensemble du ministère de l’intérieur est en deuil. https://t.co/SLLoPrGQlJ

— Gérald DARMANIN (@GDarmanin) May 5, 2021