Fransada Olimpiada ərəfəsində COVID-19-a yoluxma hallarında artım qeydə alınıb

Fransada Olimpiya Oyunları ərəfəsində COVID-19-a yoluxma hallarında artım qeydə alınıb.

“Report” TASS-a istinadən xəbər verir ki, bu barədə ÜST-nin rəsmi nümayəndəsi Marqaret Harris Cenevrədə keçirdiyi brifinqdə açıqlayıb.

“Fransada son həftələrdə COVID-19 hallarında artım müşahidə olunub ki, bu da səhiyyə sisteminə orta dərəcədə təsir göstərə bilər”, – o söyləyib.

Onun sözlərinə görə, Fransanın ilkin tibbi-sanitar mərkəzlərində koronavirus üçün test zamanı “müsbət halların” nisbəti 25 %-ə çatır, baxmayaraq ki, ÜST xəstələnmə nisbətini “əsas” olaraq 5 %-dən az hesab edir.

“Beləliklə, artım var. Bununla belə, səhiyyə sisteminin ciddi yük altında olmasına dair məlumat yoxdur”, – o vurğulayıb.