Fransada koronavirusa gündəlik yoluxma sayı artır

Fransada son sutka ərzində COVID-19 epidemiyasından 17 ölüm faktı qeydə alınıb.

“Report” xəbər verir ki, bu barədə Fransanın Səhiyyə üzrə Baş İdarəsi məlumat yayıb.

Bildirilib ki, epidemiya başlayandan ölkədə koronavirusdan 30 451 nəfər həyatını itirib. Xəstəxanalarda hələ də 5 minə yaxın koronavirus xəstəsi var.

Son sutkada 2 238 yeni yoluxma halı qeydə alınıb və hazırda koronavirus xəstələrinin sayı 221 267-dir.

Fransa Qvineyasında epidemiya ilə bağlı vəziyyət daha ağırdır.