Fransada 5 nazirin telefon danışıqlarının dinlənildiyi aşkarlanıb

Fransanın 5 nazirinin telefon danışıqları “Pegasus” casus proqram təminatı vasitəsilə dinlənilirmiş.

“Report” xəbər verir ki, məlumatı “Mediapart” yayıb.

Bildirilib ki, 2019-2020-ci illərdə Fransanın 5 nazirinin telefon danışığının “Pegasus” vasitəsilə izlənildiyi aşkarlanıb. Proqramın izlərini Fransa təhlükəsizlik xidməti müəyyənləşdirib.

Telefon danışıqları dinlənilən hökumət üzvləri bunlardır: təhsil naziri Jan-Mişel Blanker, inkişaf naziri Jaklin Qur, indiki kənd təsərrüfatı naziri (2020-ci ildə şəhər və yaşayış təsərrüfatı naziri), yaşayış tikililəri naziri (2020-ci ildə ekologiya nazirliyi yanında dövlət katibi) və dənizlər arxası ərazilər üzrə nazir Sebastyan Lekornü.