Makron: "Fransa Ukraynada atəşkəs üçün səylərini davam etdirəcək"

"Fransa Ukraynada atəşkəsin əldə edilməsi üçün səylərini davam etdirəcək".

"Report" "Euronews"a istinadən xəbər verir ki, bunu Fransa Prezidenti Emmanuel Makron xalqa müraciətində deyib.

Fransa lideri əlavə edib ki, ölkə iqtisadiyyatının bir çox sektorları Ukraynadakı vəziyyətə görə əziyyət çəkir.

Makron Ukraynadakı vəziyyətlə əlaqədar martın 10-11-də Versalda Avropa İttifaqının sammitini çağıracağını bildirib.

"Avropanı müdafiəmiz yeni mərhələyə keçməlidir. Yaxın günlər Ukrayna üçün daha çətin olacaq", - dövlət başçısı qeyd edib.

Müharibənin Putinin seçimi olduğunu vurğulayan Makron söyləyib: "Bu müharibənin nasizmə qarşı aparıldığı yalandır. Biz Ukraynadakı müharibəyə qarşı olan bütün rusların yanındayıq".