Bakı. 25 noyabr. REPORT.AZ/ Fransa təyyarələri döyüş uçuşu zamanı İraqın Mosul əyalətinin 45 km-də "İraq-Şam İslam Dövləti" (İŞİD) yaraqlılarına məxsus komanda mərkəzini məhv edib.
"Report" "Reuters"ə istinadən xəbər verir ki, ölkə prezidenti Fransua Olland Vaşinqtona səfəri zamanı Fransa təyyarələrinin Təll-Afar şəhərində terrorçuların komanda məntəqəsinə hava zərbəsi endirdiyini bildirib.
Noyabrın 23-də Fransa donanmasının flaqmanı "Şarl de Qoll" aviadaşıyıcısı Suriya və İraqda İŞİD-in mövqelərinə ilk zərbələrini endirib.
Fransua Olland ABŞ prezidenti Barak Obama ilə görüşündə qeyd edib ki, Fransa Suriyada quru əməliyyatlarında iştirak etməyəcək.