Fransa Prezidentinə qarşı sui-qəsd cəhdi olub

Bakı. 6 noyabr. REPORT.AZ/ Fransa Prezidenti Emmanuel Makrona qarşı sui-qəsd törətməyi planlaşdıran 6 nəfər tutulub.

“Report” BFMTV-yə istinadən xəbər verir ki, məlumatı Fransanın Təhlükəsizlik üzrə Baş İdarəsi yayıb.

Sui-qəsdi radikal qüvvələrin tərəfdarlarının planlaşdırdığı ehtimal olunur. Onların tutulması üçün Fransanın İzer, İl, Vilen və Mozel rayonlarında əməliyyat keçirilib.

Paris prokurorluğu faktla bağlı araşdırmalara başlayıb. Saxlanılan şəxslər cinayətkar qruplaşma yaratmaqda şübhəli bilinirlər.