Bakı. 1 iyun. REPORT.AZ/ Fransa prezidenti Emmanuel Makron ABŞ-ın Avropa, Kanada və Meksikadan polad və alüminium idxalına rüsum tətbiq edilməsini qanunsuz adlandırıb.
"Report"un məlumatına görə, bu barədə "Associated Press" xəbər verib.
Bildirilir ki, Makron rüsumların tətbiqini səhv adlandırıb. Fransa prezidenti həmçinin əlavə edib ki, ABŞ-ın hərəkətlərindən təəssüflənir.
Daha əvvəl ABŞ iyunun 1-dən Kanada, Meksika və Avropadan alüminium və polad idxalına rüsum tətbiq olunduğunu elan edib.
Avropa Komissiyasının rəhbəri Jan-Klod Yunker bəyan edib ki, Avropa Birliyi əks tədbirlər görəcək.