Fransa Müqavimət Hərəkatının sonuncu üzvü 96 yaşında vəfat edib

İkinci Dünya müharibəsi illərində faşizmə qarşı mübarizə aparmış Fransa Müqavimət Hərəkatının sonuncu alman üzvü Erhard Stenzel 96 yaşında vəfat edib.

"Report" xarici mətbuata istinadən xəbər verir ki, bu barədə veteranla dostluq münasibətləri saxlayan “Gecə qurdları” velosiped klubundan bildirilib.

Veteranın hərbi karyerası 1943-cü ildə Vermaxt sıralarına çağırılarkən başlayıb, lakin sonra Ruan şəhərində müqavimət partizan hissələrinin tərəfinə keçib. Onun atası faşist ideologiyasına qarşı olduğu üçün Buhenvald həbs düşərgəsində öldürülüb. Nasistlər Stenzeli qiyabi ölümə məhkum ediblər.