Yuxarı
    Bağlamaq

    Fransa "Mistral" gəmilərinin Rusiyaya satışına dair razılaşmaya xitam verdi

    Rusiyanın bu gəmilərə görə €840 milyon həcmindəki ödənişi bütövlüklə geri qaytılaracaq

    Bakı. 5 avqust. REPORT.AZ/ Fransa "Mistral" hərbi gəmilərinin Rusiyaya satışına dair razılaşmaya xitam verildiyini rəsmən təsdiqlədi.

    "Report"un RİA "Novosti" agentliyinə istinadən verdiyi xəbərə görə, iki hərbi gəmini Moskvaya satmaqdan imtina edən Fransa rəhbərliyi, Rusiyanın bu gəmilərə görə €840 milyon həcmində ödənişinin bütövlüklə geri qaytılaracağını vəd edib.

    Beləliklə, hər iki gəmi Fransanın nəzarəti altında qalacaq.

    Mistral gəmilərinə dair müqavilənin dəyəri €1.2 milyard təşkil edirdi.

    Xatırladaq ki, Fransa Rusiyaya iki "Mistral" hərbi gəmisinin satışından Ukraynanın şərqində hərbi münaqişə başlandıqdan sonra imtina edib.

    Rusiya Ukraynanın şərqində separataçı üsyançıları dəstəkləməkdə ittiham olunur.

    Helikopter daşıyıcısı olan həmin gəmilərdən birincisi - "Vladivostok" adı ilə 2014-cü ilin noyabrında Rusiyaya təhvil verilməli idi.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi