​Fransa İraqda ilk dəfə olaraq qanadlı raketlərdən istifadə edib

Bakı. 15 dekabr. REPORT.AZ/ Fransa Silahlı Qüvvələri İraqda "İraq-Şam İslam Dövləti" terror qruplaşmasının (İŞİD) mövqelərinə zərbə endirmək üçün ilk dəfə olaraq qanadlı raket tətbiq edib.

"Report" xəbər verir ki, bu barədə çərşənbə axşamı Fransanın Müdafiə Nazirliyi məlumat yayıb.

İdarənin məlumatına görə, bir neçə hərbi təyyarə İraqın Suriya ilə sərhəd yaxınlığında yerləşən Əl-Kərim şəhəri ərazisində İŞİD-in obyektlərinə zərbə endirib.