Fransa hökumətinin “köklü yenilənməsi” gözlənilir

Bakı. 12 fevral. REPORT.AZ/ Fransa Prezidenti Emanuel Makron yaxın üç-altı ay ərzində hökumət kabinetinin “köklü yenilənməsi”nə hazırlaşır.

“Report” bu barədə “Le Figaro”ya istinadən xəbər verir.

Bildirilir ki, ötən ilin oktyabr ayında hökumətdə əhəmiyyətli dəyişikliklər aparılmış, o cümlədən daxili işlər, mədəniyyət, kənd təsərrüfatı, ərazi bütövlüyü nazirləri əvəzləndirilmişdi. O zaman əhalinin 60 faizinin bu dəyişikliklərdən narazı qaldığı qeyd olunur.

Ötən gün ölkə Prezidentinin xüsusi müşaviri İsmayıl Emilyen istefa verib. 

Xatırladaq ki, keçən il noyabrın ortalarında istefa ilə bağlı Prezident E.Makron xəbərdar olunmuşdu və istefa bu il mart ayının sonu və ya aprelin əvvəlində rəsmiləşəcək.