Floridada təyyarə çoxmərtəbəli binaya çırpılıb

Bakı. 2 mart. REPORT.AZ/ Cümə günü ABŞ-ın Florida ştatının Fort-Loderdeyl şəhərində yüngülmühərrikli təyyarə çoxmərtəbəli binaya çırpılıb. Nəticədə pilot həlak olub.

“Report” TASS-a istinadən xəbər verir ki, bu barədə yanğın-xilasetmə xidmətinin nümayəndəsinə istinadən "The Miami Herald" nəşri yazıb.

Hadisə günorta saatlarında baş verib. Təyyarə binanın 16 və 17-ci mərtəbələri arasındakı hissəyə dəyib. Daha sonra o, təmir işlərinin aparıldığı hovuz olan terrasa düşüb. Bina sakinləri təxliyə olunub.