Finlandiyaya giriş məhdudiyyətinin vaxtı uzadıldı

Finlandiya hökuməti əcnəbilərin ölkəyə girişinə tətbiq edilən məhdudiyyətin müddətini fevralın 9-dək uzadıb.

“Report” xəbər verir ki, bu barədə “TASS” ölkə hökumətinə istinadən yazır.

Səlahiyyətli şəxslər həmçinin, Cənubi Koreya və Yaponiyadan da gələnlər üçün ölkəyə girişi qadağan ediblər.

Qeyd edək ki, Finlandiyada 37 772 nəfərin yeni növ koronavirus infeksiyasına yoluxması təsdiq edilib. Yoluxanların 31 mini sağalsa da, 584 nəfərin həyatını xilas etmək mümkün olmayıb.