Finlandiyadakı “Olkiluoto 3” atom elektrik stansiyasında (AES) turbin nasazlığı səbəbindən enerji istehsalı dayandırılıb.
“Report” xəbər verir ki, bu barədə TVO operatoru məlumat yayıb.
Bildirilib ki, hazırda faktla bağlı araşdırma aparılır.
Qeyd edək ki, bu AES Finlandiyanın qərbində, Botniya körfəzinin (Baltik dənizi) sahilində yerləşir. “Olkiluoto 3” atom elektrik stansiyasının üç reaktoru Finlandiyanın enerji istehlakının təxminən 30 faizini təmin edir.