Finlandiya sabahdan Rusiya ilə sərhəddəki bütün keçid məntəqələrini bağlayacaq

Finlandiya 15 dekabr tarixindən Rusiya ilə sərhəddəki bütün keçid məntəqələrini bağlayacaq.

“Report” xəbər verir ki, bu barədə Finlandiyanın daxili işlər naziri Mari Rantanen bildirib.

Onun sözlərinə görə, Finlandiyanın şərq sərhədi dekabrın 15-də saat 20:00-da (Bakı vaxtı ilə 22:00) bağlanacaq, qərar təxminən bir ay, yəni 2024-cü il yanvarın 14-dək qüvvədə olacaq.

“Hökumət qərara alıb ki, ölkəyə bu cür giriş davam etdiyi üçün Vaalimaa və Niirala keçid məntəqələrinin yenidən bağlanması üçün hökumət qərarı qəbul edilməlidir. Nəticədə, Finlandiyanın xarici sərhədlərində beynəlxalq mühafizə üçün müraciətlər yalnız hava limanlarında və dəniz limanlarında sərhəd keçid məntəqələrində qəbul ediləcək”.