Yuxarı

​Finlandiya prezidenti Avropa Birliyi ordusunun yaradılmasını dəstəkləyib

NATO-nun keçmiş baş katibi Xavyer Solana Brüsseldə Avropanın təhlükəsizliyi ilə bağlı yeni strateji məruzə ilə çıxış edəcək

Bakı. 9 mart. REPORT.AZ/ "Avropa Birliyi dəyərlərinin qorunmasının gücləndirilməsi məqsədi ilə ordunun yaradılması ciddi və təbii addım olar".

"Report" "newsru"ya istinadən xəbər verir ki, bunu Finlandiya prezidenti Sauli Niinistö bildirib.

Bu yaxınlarda həmcinslilərin nikahını qanuniləşdirən Finlandiya lideri Avropa Birliyi ordusunun yaradılması ideyasını da dəstəklədiyini söyləyib.

Ölkənin müdafiə naziri Karl Xaqlund isə belə bir orduya bütün dövlətlərin daxil olma ehtimalının az olduğunu söyləyib.

Bu gün NATO-nun keçmiş baş katibi Xavyer Solana Brüsseldə Avropanın təhlükəsizliyi ilə bağlı yeni strateji məruzə ilə çıxış edəcək. "Avropanın müdafiəsi üçün ortaqlıq" adlanan bu məsələ üzərində yarım il işlənilib. Həmin sənəddə nəzəri cəhətdən hərbi əməliyyatların Avropa Birliyindən kənarda keçirilməsi əməliyyatı və bu məqsədlə Avropa ordusunun mənzil-qərargahının Brüsseldə yaradılması planlaşdırılıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi