Bakı. 3 noyabr. REPORT.AZ/ Filippinin şimalında hərəkət edən "Yutu" qasırğası 22 nəfərin həyatına son qoyub.
"Report" xəbər verir ki, bu barədə "Anadolu" agentliyi yerli KİV-ə istinadən məlumat yayıb.
Məlumata görə, təbii hadisədən ən çox Cordillera və Dağ Bölgəsinin Natonin qəsəbəsi zərər çəkib. Qasırğa zamanı həmçinin 10-dan çox sakin itkin düşüb.
Axtarış-xilasetmə işlərinə polis, digər dövlət orqanlarının işçiləri də daxil olmaqla, 100-dən çox adam cəlb edilib.
"Yutu" qasırğasının Çinə doğru hərəkət etdiyi bildirilir.